अशोक दर्जी : सडकको धुलोबाट ‘सिनेम्याटिक’ चमत्कारसम्म

काठमाडौं – सडकको छेउमा गीत गाउदैँ घामसँग लडिरहेको त्यो सानो केटो उसका स्वरमा कुनै स्वरसम्राटको अभ्यास थिएन, न त कुनै रेकर्डिङ स्टुडियोको चमक । तर पनि, उसको स्वरले हरेक हृदय छोइरहेको थियो । त्यो केटो थियो अशोक दर्जी।

दमकको सडकमा जन्मिएको एउटा सपनाजसलाई नियतिले राजधानीसम्म ल्यायो, अनि स्वरले सम्पूर्ण देशलाई हल्लायो ।
संगीतकार टंक बुढाथोकी ले सडकमा गाएको त्यो स्वरमा भविष्यको संगीत सुने । अनि सुरु भयो एउटा नयाँ यात्रासडकको धुलोबाट मञ्चको प्रकाशसम्म पुग्ने यात्रा ।

मनबिनाको धन ठूलो कि धनबिनाको मन ?
यही गीतले अशोकलाई रातारात चर्चाको केन्द्र बनायो । सडकमा गीत बेच्ने बालक अब देशको मञ्चमा गाइरहेको थियो ।
टंक र अशोकबीचको सम्बन्ध केवल गुरु शिष्यको होइन पिता पुत्रको आत्मीय सम्बन्धमा परिणत भयो ।

अब त्यो कथा पर्दामा

अशोक दर्जीको जीवन प्रेरित कथा अहिले फिल्म ‘मनबिनाको धन’ को रूपमा पर्दामा आउँदैछ ।
संगीतकार टंक बुढाथोकी स्वयं निर्देशक बनेका छन् ।
उनका शब्दमा यो पूर्ण जीवनी होइन, तर जीवनको प्रेरणा हो । हामीले चलचित्रको दृष्टि र सामाजिक सन्देश दुवै जोडेका छौँ ।फिल्मको ट्रेलरले देखाउँछ
भोक, सपना र स्वरबीचको संघर्ष ।
एक मनकारी व्यक्ति कसरी एउटा जीवन बदल्छ, अनि कस्तो समाजमा पैसा त छ तर मन हराएको छ ।
त्यो पीडा, त्यो रिक्तता र त्यो यथार्थलाई चलचित्रले देखाउने संकेत गरेको छ ।

संगीत, भावना र सन्देशको संगम

फिल्ममा अशोक दर्जी का साथै सरोज खनाल, नीता ढुंगाना, सन्तोष पन्त, बुद्धि तामाङ लगायतका कलाकार छन् ।
संवाद र पटकथा शिवम अधिकारी, संगीत निर्देशन स्वयम् टंक बुढाथोकी को हातमा ।

टंक र अशोकको जोडी यो फिल्मको आत्मा हो
प्रत्येक नोटमा भावना छ, प्रत्येक संवादमा सन्देश ।अशोक आज पनि टंककै संरक्षणमा पढ्दै, संगीत सिक्दै, सपना बुनिरहेका छन् ।
उनका शब्दमा टंक दाइले मलाई सडकबाट उठाएर गायक बनाइदिनुभयो, त्यो मेरो दोस्रो जन्म थियो । यो फिल्म मेरो मात्र होइन, म जस्ता सयौँ बालकको सपना हो ।पर्दामा आउने आशाटंक बुढाथोकी प्रोडक्सनको प्रस्तुतिमा बनेको यस फिल्मका कार्यकारी निर्माता मिनु शर्मा, सह–निर्माता जीपी संग्रौला, विवेक नेपाल र विजया पाण्डे हुन् ।फिल्म २१ कात्तिकदेखि प्रदर्शनमा आउने तयारीमा छ ।