‘माइतीघर’पछि मिलन तामाङले गरे नयाँ फिल्म ‘कहाँ भेटिएला’बनाउने घाेषणा

काठमाडौँ । प्रदर्शनरत फिल्म ‘माइतीघर’ का निर्देशक मिलन तामाङले नयाँ फिल्म ‘कहाँ भेटिएला’ बनाउने घोषणा गरेका छन्। मंगलबार एक कार्यक्रमका बीच फिल्मको थिम पोस्टर सार्वजनिक गर्दै फिल्मको नाम औपचारिक रूपमा सार्वजनिक गरिएको हो।

निर्माण टिमका अनुसार फिल्मको छायांकन आगामी चैत महिनाको अन्तिम सातादेखि सुरु हुने छ। यद्यपि फिल्ममा कस–कस कलाकार र प्राविधिक टोली रहने छन् भन्ने जानकारी अहिलेसम्म खुलाइएको छैन।

निर्देशक तामाङका अनुसार फिल्मका कलाकार र प्राविधिक टोलीबारे केही दिनभित्र जानकारी दिइनेछ। उनले भने, “अहिले हामीले फिल्मको टाइटल मात्र रिलिज गरेका हौँ, केही दिनमा कलाकार र प्राविधिकको विवरण सार्वजनिक गर्नेछौँ।”