नेपाल खबरका सम्पादक रामबहादुर रावल प्रधानमन्त्रीको प्रेस सल्लाहकार मा नियुक्त

काठमाडौँ । प्रधानमन्त्री शुसिला कार्कीले पत्रकार रामबहादुर रावललाई आफ्नो प्रेस सल्लाहकारमा नियुक्त गर्नुभएको छ । बाजुराको बडीमालिका नगरपालिका–८ निवासी रावल लामो समयदेखि पत्रकारिता क्षेत्रमा सक्रिय व्यक्तित्व हुन्।

रावलले कान्तिपुर टेलिभिजन, नेपाल साप्ताहिक, नेपाल एफएम, र ग्यालेक्सी फोरके टेलिभिजन लगायतका सञ्चारमाध्यममा समाचार कक्षको नेतृत्व गरेका छन्। पछिल्लो समय उनी नेपाल खबरका सम्पादकका रूपमा कार्यरत थिए।

शैक्षिक योग्यता अनुसार रावलले त्रिभुवन विश्वविद्यालयबाट नेपाली विषयमा स्नातकोत्तर र कानुनमा स्नातक गरेका छन्। उनको पत्रकारिता क्षेत्रमाको दीर्घ अनुभव र दक्षतालाई मध्यनजर गर्दै प्रधानमन्त्री कार्कीले उनलाई प्रेस सल्लाहकारमा नियुक्त गर्नुभएको हाे ।