१८ वर्ष पूरा हुने नागरिकलाई फागुन निर्वाचनमा भोट हाल्ने व्यवस्था

काठमाडौं । निर्वाचन आयोगले आगामी कात्तिक मसान्तसम्म (कात्तिक ३० गते) मतदाता नामावली संकलन र अद्यावधिक गर्ने निर्णय गरेको छ ।

आयोगको बिहीबार बसेको बैठकले आगामी २० फागुनसम्म १८ वर्ष पूरा गर्ने नागरिकलाई मतदाता नामावलीमा समावेश गर्ने गरी संकलन र अद्यावधिक कार्य निरन्तर चलाइने जनाएको छ ।जेन–जी विद्रोहपश्चात् बनेको सुशीला कार्की नेतृत्वको अन्तरिम सरकारले २१ फागुनका लागि प्रतिनिधि सभा निर्वाचन घोषणा गरिसकेको छ । सामान्यतया निर्वाचन मिति तोकिएपछि मतदाता नामावली संकलन रोक्ने प्रावधान रहे पनि सरकारले बुधबार अध्यादेशमार्फत त्यसलाई परिमार्जन गरेको हो । सो व्यवस्था संशोधनसँगै आयोगले कात्तिक मसान्तसम्म नामावली संकलन र अद्यावधिक गर्ने निर्णय गरेको हो ।