बडिमालिका–६ कोर्धमा जुम्ली महाराजकालीन मुङ्ग्रा संरक्षणको आवश्यकता

राेशन खड्का /बाजुरा – बाजुराको बडिमालिका नगरपालिका–६ मा अवस्थित कोर्धको प्राचीन मुङ्ग्रा (ढुङ्गे धारा) जुम्ला राज्यका राजा जुम्ली महाराज यस क्षेत्रमा बसेको समयमा निर्माण गरिएको भन्ने कुरा स्थानीय बुढापाकाहरूले बताउँदै आएका छन् ।
बुढापाकाहरूका अनुसार जुम्ली महाराज कोर्धमा बासोबास गर्ने क्रममा पानीको सहज व्यवस्था गर्न उक्त मुङ्ग्रा निर्माण गराइएको हो । यो ढुङ्गे धारा तत्कालीन राज्य व्यवस्था, बस्ती विकास र पानी व्यवस्थापनको ऐतिहासिक प्रमाणका रूपमा आज पनि रहेको छ ।
समयसँगै जीर्ण बन्दै गएको यस ऐतिहासिक सम्पदाको संरक्षण र सम्वर्द्धन आवश्यक रहेको स्थानीयवासीको भनाइ छ । इतिहास र पहिचानसँग जोडिएको कोर्धको मुङ्ग्राको संरक्षण गर्नु राज्य, स्थानीय सरकार तथा सम्पूर्ण समुदायको साझा दायित्व भएको उनीहरूले बताएका छन् ।